طاجن لسان العصفور باللحمه المفرومه
كتبت .. ناديه شوقى
المقادير:
لسان عصفور
لحمة مفرومة
سمنة او زبدة
ثوم بودر
بصلة متوسطة
كبابة صينى
مكعب مرقة / 2 ملعقة صلصة / كوب ماء
بابريكا / ملح وفلفل
الطريقة :
هنحمر لسان العصفور في معلقة سمنه ياريت بلدي تتحمر كويس ونحطها علي جنب والسمنه نصفيها منها ونسيبها في الطاسه ونشوح فيها بصل مفروم يدبل
ونضيف اللحمه المفرومه ومكعب مرقه وملح وفلفل وقرفه وكبابه صيني وتوم بودر ونضيفلها فص توم مفروم ومعلقتين صلصه وكوب مايه ونظبط الملح
وشوية بابريكا ونرجعلها لسان العصفور تقليبه واحده و نرصه في الطاجن وندخله تحت الشوايه ياخد لون
بالهنا و الشفا