كوني مصدر سعادة

كتبت .. مرفت حمدى

أنا يا سيدتى فتاة أبلغ من العمر 27 عاما من أسرة بسيطة و أنا أصغر أخوتى حيث يكبرنى ولدان و أختى الأكبر متزوجة و لديها أبناء  - أشارت عليها احدى زميلاتها بالعمل يأن يتقدم ابنها لخطبتى عن طريق زواج الصالونات – و اقترحت على أمى الفكرة و أمى رحبت بها و فاتحتنى فى الأمر و قد رفضت فى البداية – و مع الالحاح الشديد بالفكرة منهم – و أن العريس محترم و مؤهل عالى و ليس لديه مشاكل مادية لكى أعيش فى مستوى تفخر به كل البنات وافقت على الفكرة و تمت الخطبة فى حفل عائلى محترم يضم العائلتين فى احدى القاعات الفاخرة اما عن مشكلتى هنا يا سيدتى أننى لا أجد نفسى معه ..  أشار الى أنه قام خطب مرتان قبل مايتقدم  لى و لكن لم تكتمل و لم يبوح فى أسباب فسخ الخطبتان و عدم الاتمام فى المرتان – و الآن أنا أجد نفسى أمام شخصية مختلفة عنى فأنا  فتاة مرحة جدا و لا أحب التعقيد و هو شخصية جادة جدا – و لقد فكرت أكثرمن مرة فى عدم اتمام هذا الارتباط و أن أفسخ خطبتى و لا أتم الزواج به  - فدلينى بالله عليك ماذا أفعل ؟

- بنيتى – بداية أحيى فيكى فكرة الموافقة على هذه الطريقة فى الارتباط و التى تعد احدى الطرق التى كانت تعتمد عليها كثير من بيوتنا المصرية قديما و هى طريقة زواج الصالونات فى عصر العولمة و الغزو الثقافى و رغم حداثة سنك و كان ذلك احتراما منك لرأى أمك و أختك الكبيرة – و ان كان ترجيح كفة العريس المتقدم على أنه ليس لديه مشاكل مادية و أنك ستعيشين فى مستوى تفخر به كل البنات على حد قولك فتلك ليست مرجعية صحيحة و ليست أساسا سليما لبناء الأسرة .

- أيا بنيتى احنا لما بنقابل حد أو ندخل معاه فى علاقة اعرفى انك بتقابلى معاه كل حزنه و فرحه كل خبراته – كل مشاكله و كل الأحداث و الأشخاص اللى عاشها و قابلها قبل النقطة اللى تقابلتوا فيها – خليك متأكدة أن هينعكس عليك منها كثير – يعنى اذا مثلا مر بتجربة خيانة قبل كده هتلاقيه شكاك و مش سهل يثق فى حد

لو كان معظم المحيطين به من الانتهازيين و المزيفين ما تتوقعيش انه يقدر اللى بتعمليه و اخلاصك له  بسهولة .

هتلاقى نفسك يتتعاملى مع كل التجارب دى بنسب معينه تختلف من شخص للتانى لو لاقيتيه انسانبسيط متصالح مش معناه أنه معندوش أو ما كنش عنده مشاكل – و لكنه تخطاها – بل و  استخدمها و اتعلم منها عشان يقدر يميز اكثر الكويس من الوحش – كل تجربة بنمر بيها فى حياتنا بتكون الانسان اللى انت شايفاه انهارده – ما حدش بيمر من التجارب دى سليم – لكن ممكن يتعافى مع الوقت

اذا  قابلت حد منهم اعذريه و لو دخلت فى علاقة

عليك أن تعذريه و أن تقفى منه على بعد و مساحة آمنه من غير ما تأثر عليك  تجاربه و لو اخترت تخوض الحياه معاه فأقل حاجة تعمليها انك ما تكونيش تجربة سيئة جديدة فى حياته ( كوني سعادة أو لا تكوني ) هذه هى المسافة  الآمنه فى فقه العلاقات ( الكلمة الطيبة صدقة ).